Biz kimik

Biz kimik?

Nibras Code böyük bir şirkət deyil.

Nibras Code — faydalı ideyaları tətbiqlərə çevirmək üçün başladılmış müstəqil şəxsi layihədir.

Bizim məqsədimiz çoxlu tətbiq hazırlamaq və ya yalnız kommersiya yönümlü bir layihə qurmaq deyil. İnsanların həqiqətən ehtiyac duyduğu, istifadəsi asan və faydalı tətbiqlər üzərində çalışmaq istəyirik.

Hazırda Nibras Arabic tətbiqi açıqdır. Saytda isə Nibras AI, Nibras Dev, Nibras Apk, Nibras QR, Nibras Erase və Xidmətlər işləyir.

Nibras Arabic və Nibras PDF Google Play-dədir, Nibras Office Huawei AppGallery-dədir. Nibras Docs hazırlanır, Nibras Plans planlaşdırılır. Gələcəkdə dini bilikləri sağlam mənbədən öyrənməyə kömək edən tətbiqlər də ola bilər.

Bizim yanaşmamız

Tətbiqlərimizin hər biri pullu deyil.

Ödənişli Premium sistemi olan tətbiqlərimizdə də əsas funksiyaları pul ödəmədən rahat şəkildə istifadə etmək mümkündür. Premium isə tətbiqdən daha çox və daha intensiv istifadə edənlər üçün çox münasib miqdarda aylıq seçim kimi nəzərdə tutulur.

Bizim üçün məqsəd hər istifadəçidən mümkün qədər çox gəlir əldə etmək deyil. Əsas istəyimiz faydalı tətbiqləri insanların rahat istifadə edə biləcəyi şəkildə təqdim etməkdir.

Biz çalışırıq, öyrənirik və əlimizdən gələnin ən yaxşısını etməyə çalışırıq.

Nibras Code-un sahibi və qurucusu

Mahir Əliyev

Nibras Code-un arxasında texnologiyanı yalnız kod yazmaq vasitəsi deyil, insanlara fayda vermək üçün bir imkan kimi görən müstəqil bir proqram təminatı həvəskarı dayanır.

Özünü ön plana çıxarmaqdansa, hazırladığı layihələr və təqdim etdiyi faydalı həllərlə tanınmağa üstünlük verir. Onun yanaşması sadədir: gündəlik ehtiyacları anlamaq, lazımsız mürəkkəbliyi aradan qaldırmaq və texnologiyanı hər kəs üçün daha əlçatan etmək.

Nibras Code fərdi təşəbbüs əsasında inkişaf etdirilir. Layihənin əsas istiqaməti PDF alətləri, sənəd idarəetməsi, QR kod xidmətləri və gündəlik istifadə üçün nəzərdə tutulan digər faydalı tətbiqlərin hazırlanmasıdır.

Bu layihənin arxasındakı düşüncə yalnız proqram təminatı hazırlamaqla məhdudlaşmır. Məqsəd insanların vaxtına qənaət edən, istifadəsi rahat və mümkün qədər münasib qiymətlərlə əlçatan olan rəqəmsal həllər təqdim etməkdir.

Onun üçün əsas məsələ adının tanınması deyil, gördüyü işin insanlara fayda verməsidir.

Müvəffəqiyyət isə yalnız Allahdandır.

وَمَا تَوْفِيقِي إِلَّا بِاللَّهِ

“Mənim müvəffəqiyyətim yalnız Allahdandır.”