Nibras Code
Alətlər Tətbiqlər Studio İş sahəsi Dərslər Sayt yoxla QR düzəlt Unutma ƏlaqəAna səhifə

Məxfilik Siyasəti

Əsas sayt və Nibras AI burada izah olunur. Tətbiqlərin siyasəti aşağıdakı keçidlərdədir.

Əsas sayt

nibrascode.com açıq səhifələrdir. Hesab tələb olunmur.

Brauzer dil seçimini və bəzi alət nəticələrini öz yaddaşında saxlaya bilər. Bu məlumat bizə göndərilmir.

Əlaqə üçün yazılan məktub yalnız cavab vermək üçün oxunur. Başqa məqsədlə saxlanmır.

Sayt Google Analytics ilə anonim ziyarət statistikası toplayır (səhifə, ölkə, cihaz növü); bunun üçün brauzerdə cookie yaradıla bilər. Faylların özü bu xidmətə getmir.

Server tələb edən alətlər var: Site Doctor və SEO yoxlama daxil etdiyin linki, Xəta köməkçisi və səhifə köməkçisi yazdığın mətni serverə (və AI xidmətinə) göndərir. PDF, şəkil, video, səs və QR alətləri faylı brauzerdə emal edir.

Nibras AI

Nibras AI Nibras Code-un ayrıca köməkçisidir: nibrascode.com/ai. Burada sual vermək, fikir almaq, kod yazmaq və şəkil hazırlamaq və ya düzəltmək olur. Hesab açılmır. Ad, e-poçt və telefon istənmir.

Söhbət bu brauzerin yaddaşında 24 saat qalır, sonra silinir. Söhbəti özün də silə bilərsən. Bu brauzer üçün təsadüfi nömrə də burada saxlanır. Bu nömrə adın deyil, yalnız eyni cihazı tanımaq üçündür. Dil seçimi də bu brauzerdə qalır.

Cavab iki yolla gəlir. Hazır mənbə varsa model çağırılmır: Quran ayəsi, təfsir, hədis, lüğət, Wikidata faktı və saytın öz alətləri. Bu halda mesajın mətni serverdə saxlanmır. Qalan sual əvvəl Nibras Code serverinə, oradan xarici süni intellekt xidmətinə gedir: xAI, Groq, Google Gemini, DeepSeek, Mistral, Cerebras və ya OpenRouter (hansı əlçatandırsa). Şəkil yaratmaq üçün təsvir Pollinations xidmətinə gedir. Onlar mətni yalnız cavab hazırlamaq üçün oxuyur.

Biz bu mətni reklama vermirik və öz modelimizi öyrətmək üçün saxlamırıq. Server söhbəti qəbul edirsə, eyni mətn həmin cihaz nömrəsi ilə orada da ən çox 24 saat qalır, sonra siyahıdan düşür. Sayğac yalnız hadisənin növünü göndərir, yazdığın cümləni yox. Brauzerdə izləmə bağlıdırsa sayğac getmir.

Şəkil göndərilsə, şəkil də modelə gedir. Göndərilməzdən əvvəl ən uzun tərəfi 1024 pikselə endirilir. Format PNG, JPG və ya WEBP olur. Bir mesaj 800 simvoldan uzundursa, server artığını kəsir. Modelə gedən sual gündə 40-dır. Hazır cavablar bu saya düşmür.

Nibras AI həkim, hüquqşünas və rəsmi dini hökm deyil. Cavabı yoxlamadan qərar vermə. Şifrə, kart nömrəsi, şəxsiyyət vəsiqəsi və gizli sənəd yazma. Uşaq və ya başqasının gizli məlumatı bu səhifəyə aid deyil.

Silinməni gözləmək istəmirsənsə, saytın brauzerdə saxladığı məlumatı özün təmizləyə bilərsən. Serverdə qalan mətn üçün nibrascode@gmail.com ünvanına yaz. Məktub yalnız bu istəyə cavab vermək üçün oxunur.