JavaScript: RAG, sənəddən cavab almaq

AI ümumi mövzunu bilir, sənin PDF-ini yox. Bütün kitabı bir sorğuya qoymaq olmur: limit dolur. Tanımadığı yerdə isə uydurur. RAG əvvəl suala uyğun paraqrafı tapır, sonra AI-ya deyir: yalnız bu mətndən cavab ver. Mətn yoxdursa, "Bu məlumat sənəddə yoxdur" yaz.

Sənəd kiçik paraqraflara bölünür. Hər paraqraf rəqəmə, vektora çevrilir ki, məna tutulsun. Sual gələndə ən oxşar paraqraf tapılır. O paraqraf və sual birlikdə göndərilir. Minlərlə parça adi massivə sığmır. Supabase-də pgvector ilə saxlanır və SQL ən yaxın parçanı tapır. Axtarış səhv paraqraf seçsə, cavab da səhv olur.

const apiKey = process.env.GEMINI_API_KEY;
const url = `https://generativelanguage.googleapis.com/v1beta/models/gemini-2.5-flash:generateContent?key=${apiKey}`;

async function seneddenCavabAl(istifadeciSuali, senedinParaqrafi) {
  const sorguMelumati = {
    systemInstruction: {
      parts: [{
        text: "Sən sənəd köməkçisisən. Yalnız verilən mətndən cavab ver. Mətndə yoxdursa yaz: Bu məlumat sənəddə yoxdur. Uydurma."
      }]
    },
    contents: [{
      parts: [{
        text: `Kontekst:\n${senedinParaqrafi}\n\nSual: ${istifadeciSuali}`
      }]
    }]
  };
  const cavab = await fetch(url, {
    method: "POST",
    headers: { "Content-Type": "application/json" },
    body: JSON.stringify(sorguMelumati)
  });
  const melumat = await cavab.json();
  console.log(melumat.candidates[0].content.parts[0].text);
}

const pdfdenTapilanHisse = "Nibras PDF aləti brauzerdə açılır. Fayl serverə yüklənmir.";
seneddenCavabAl("PDF aləti harada açılır?", pdfdenTapilanHisse);

100 səhifəni bir contents-ə qoymaq olarmı? Xeyr. Token limiti dolur. Sənəd kiçik paraqraflara bölünür.

Niyə uydurur? Təlimatda qadağa yoxdur. "Yalnız bu mətndən cavab ver, yoxdursa belə yaz" cümləsi systemInstruction-da durmalıdır.

Cavab niyə səhv paraqrafdan gəlir? Axtarış uyğun parçanı seçməyib. AI yalnız ona veriləni görür.

RAG iki sözdə nədir? Tap və yalnız tapılandan yaz. Özündən əlavə etmə.