Konsolda ə hərfi kvadrat olur

Python dayanırsa ekranda bu sətir olur: UnicodeEncodeError: 'charmap' codec can't encode character '\u0259'. \u0259 hərfi ə-dir. Böyük Ə də eyni yerdədir. Proqram işləyib ekranda kvadrat və ya ? qalırsa, hərf gedib, şrift onu çəkmir. Bu, iki ayrı dayanmadır.

Türk səhifələri cp1254 yazır. Python-un bu cədvəlində ü, ö, ş, ğ, ç, ı var. ə yoxdur. Ona görə həmin təlimat bu hərfi düzəltmir.

Hamısını bir anda dəyişmə. Səbəbi sıra ilə yoxla.

• Faylı UTF-8 saxla. VS Code-un aşağı küncündə UTF-8 yazılmalıdır. Notepad-də «Unicode» UTF-16-dır, onu seçmə.
• Fayla yazırsansa sətir belə olsun: open("metn.txt", "w", encoding="utf-8"). encoding yazmasan Windows türk cədvəlini götürür və ə düşür.
• Xəta proqramı dayandırırsa errors="ignore" və cp1254 yazma. Birincisi ə-ni silir. Ikincisində ə yoxdur. Proqramın əvvəlində sys.stdout.reconfigure(encoding="utf-8") yaz, sonra print("Azərbaycan").
• Proqram işləyir, hərf kvadratdırsa kodu dəyişmə. Terminalın şriftini Cascadia Mono və ya Consolas et.
• chcp 65001 yalnız açıq pəncərəni UTF-8 edir. Pəncərə bağlananda köhnə səhifə qayıdır.

æ hərfi ə deyil. Türk cədvəlindəki işarəni ə-nin yerinə qoyma.

import sys
sys.stdout.reconfigure(encoding="utf-8")

print("Azərbaycan")

with open("metn.txt", "w", encoding="utf-8") as fayl:
    fayl.write("Azərbaycan\n")